المهزله وهتك بأعراض بناتنا في معهد التدريب المهني بصحــــم

الموضوع موجود بنفس العنوان في موقع السبلة العمانية


السلام عليكم ورحمة الله وبركاته


حبيت اكتبلكم هذا الموضوع من الظلم وانعدام الاخلاق والانسانية اللي شفتها وسمعت عنها .



(وأقسم لكم بالله أن كل أللي راح اكتبه صدق وخالي من الكذب والخداع)



كما تعلمون بأن معهد التدريب المهني بصحم ، معهد كبير جداً يقوم بتدريب الاجيال الصاعده لبناء مستقبلهم وخدمة وطنهم الغالي.



ولكن هناك 3 أدارين حثاله ، وسمحولي على هذه الكلمة ولكن اقرؤا الموضوع وبتعرفوا ليش قلت هذه الكلمه .



اولهم: ( ----) المغازلجي الكبير ، والثاني: (----) ، والثالث: (---) طبعا هؤلاء الاشخاص مسوين نفس الرادار في المعهد ويتغزلوا بالبنات ويتحرشو بيهن بشتى الطرق والاساليب ، وطبعا ---- يوقف في الممرات يشوف البنات واي بنت عجبته ناداها المكتب وتم يسولف عندها ويتمعن في جسمها.


إلى متى هذا الظلم والجهل



والله حرام ، نحن نطرش اهلنا وخواتنا وبناتنا عشان يتعلمنا ويجي ف الاخير هذولا يتحرشوا ويتغزلوا بيهن ويقولو (احنا أدارين ولازم ناقش مع البنات كل شي عشان نعرف الاوضاع في المعهد)



تصورو انهم يطرشو حق البنات في الصفوف ويظلوا يكلمهون ويسوى معهن سالفه واي وحده تمشى ينادو عليها وأللي ما تعطيهم وجه يطرشولها بنات ثانيه .
وكل واحد مركب حاجز ومخفي في الجامات بحيث ان أللي داخل المكتب يشوف أللي خارج بس أللي خارج ما يشوف أللي داخل المكتب .


والله البنات يقولن احنا نتشائم نداوم المعهد بسبت هذه الاشكال ونفرح لما يكون احد منهم غايب لانهم يسببولنا احراج في الممرات.


تصورا ان البنات يخافن من هذولا الادارين وتحرشاتهم اكثر من الشباب


توقعوا بأمانه لو صاحب الجلاله عرف عن هذا الشي شو راح يكون موقفه تجاه هذا الادارين الساقطين .



استحلفكم بالله يا جماعه واناشد كل مسؤول وكل رجل عنده استطاعه في تعديل هذا الوضع والمهزله أللي جاعده تصير أنه ما يسكت.



ما ضروري ينطردو -مع انه دواهم هذا- بس على الاقل أحد يكلمهم ويوقفهم عند حدهم



ارجوكم يا ناس ترا اللي جاعد يصير حاجه كبيره ومشينه لأهلنا .



وأللي ما مصدق هذا الكلام يسأل اي طالب أو طالبة تدرس في معهد التدريب المهني بصحم .



طبعاً بتقولو أنت ليش ما تروح وتكلمهم بنفسك وتشتكى عليهم ؟


انا رحت وحاولت اكلمهم بس ما شي فايده . ويردو علي أنت لازم تجيب البنت وتواجهنا ، وطبعا ما حد يرضى ان يشوه سمعت اهله ويجيبهم امام هذه الناس الوقحين لان شي اكيد انهم بيشوه سمعتها في المعهد وبيتعادولها في الدراسة وفي كل شي.


أرجوكم يا ناس أللي بأيده اي شي ما يسكت .


والساكت عن الحق شيطان أخرس.


وفقكم الله لما فيه الخير والرشاد